رسالة من مواطن الى الرئيس

يا اللى أنت مسؤول عن رضانا وحقنا يا اللى انت مسؤول عن شقانا وسعدنا


يا اللى احنا ابنائك وانت راعينا دا أحنا انتخبناك بأخلاص مننا


مرت علينا سنين طويلة فى شظف بمرتبات ما تكفى حتى نصنا


شقا وهموم وعيشة ناشفة مجلدة ورغم ذلك احنا حامدين ربنا


لكن توالى الفقر والجوع والبلا كل الهوا والريح دا اصبح ضدنا


كل السلع أسعارها طلعت فى السما وأصبحت أكتر كتير من دخلنا


والدنيا صارت فوضا ويا البلطجة وما حد عندة حمل لهمنا


والمحسوبين بلعوا البلد فى كرشهم ظلما بحكم الافترا والهيمنا


حتى أرض الدولة راحت كلها للموعودين منهم ونابنا العكننا


والدعم دا بنشوفة واضح عالورق يدخل جيوب الصفوة غصبا عننا


يا سيدى أرجوك أن تنظر لنا وخد ثوابك والجزاء من ربنا

____________________________ _________________________________

ارجوا ان تنال اعجابكم

______________________________